Анъанавий Audi Cup—2017 турнири 1—2 август кунлари бўлиб ўтади.
Мусобақа мезбони ҳисобланган Мюнхеннинг «Бавария» клуби унга Англия, Испания ва Италиянинг кўзга кўринган жамоаларини таклиф қилди. Булар: «Ливерпуль», «Атлетико» ҳамда «Наполи».
Қизиқ томони, «Бавария»нинг ўзини инобатга олмаса, қолган клублар ўз чемпионатида чемпионликни қўлга кирита олмаган. Юрген Клопп бошчилик қилаётган «мерсисайд» клуби АПЛни кучли тўртликда якунлаган бўлса, «Наполи» А серияда, «Атлетико» эса Ла лигада учинчи бўлишга эришди.
Audi Cup—2017 мусобақаси ярим финал беллашувларидан старт олади. Унга ҳозирча қуръа ташланганича йўқ. Биринчи учрашувда ғолиб чиққан клублар финалда тўп суради.
