Meksika terma jamoasi bosh murabbiyi Xuan Karlos Osorio KK-2017 musobaqasida Portugaliya bilan uchrashuvdan so‘ng (2:2) fikrlari bilan o‘rtoqlashdi.

"Men FIFA sayti nima deb yozayotganini kuzatdim - biz to‘pni 60 foiz nazorat qilibmiz. Shuning uchun yaxshi o‘yin ko‘rsatdik deya olaman, har qalay Yevropa chempionlari bilan o‘ynadik."

4-3-3 sxemasida harkat qildik, raqib ham, ammo ular o‘yin oxirida sxemani o‘zgartirdilar. Bu ko‘p narsadan darak beradi. Biz rejamizni bajardik.

Portugaliyaning har uch hujumchisi juda kuchlidirlar, ammo ular 34-daqiqaga kelibgina gol urganlari g‘alati.

Ikkinchi bo‘limda mukammalroq reja tuzdik, portugallar ko‘proq himoyalandilar, balki, ular shuni xohlangan bo‘lsalar kerak, bilmadim. Biz o‘z rejamizni bajardik, o‘yin oxirida hisobni tenglashtira oldik", - deydi Osorio.