Мексика терма жамоаси бош мураббийи Хуан Карлос Осорио КК-2017 мусобақасида Португалия билан учрашувдан сўнг (2:2) фикрлари билан ўртоқлашди.

"Мен ФИФА сайти нима деб ёзаётганини кузатдим - биз тўпни 60 фоиз назорат қилибмиз. Шунинг учун яхши ўйин кўрсатдик дея оламан, ҳар қалай Европа чемпионлари билан ўйнадик."

4-3-3 схемасида ҳаркат қилдик, рақиб ҳам, аммо улар ўйин охирида схемани ўзгартирдилар. Бу кўп нарсадан дарак беради. Биз режамизни бажардик.

Португалиянинг ҳар уч ҳужумчиси жуда кучлидирлар, аммо улар 34-дақиқага келибгина гол урганлари ғалати.

Иккинчи бўлимда мукаммалроқ режа туздик, португаллар кўпроқ ҳимояландилар, балки, улар шуни хоҳланган бўлсалар керак, билмадим. Биз ўз режамизни бажардик, ўйин охирида ҳисобни тенглаштира олдик", - дейди Осорио.