Yoshlar ligasining 14-turida «Qo‘qon-1912» - «So‘g‘diyona» o‘yini o‘tkazildi.
O‘yin mezbonlar uchun omadli boshlandi. Uchrashuvning 4-daqiqasi o‘tib borayotgan paytda Abror Rahmonov hisobni ochishga muvaffaq bo‘ldi. Futbolchi jamoadoshlari boshlab bergan ajoyib kombinasiyani samarali yakunladi.
Birinchi bo‘limning qolgan daqiqalarida har ikki jamoada bir qator vaziyatlar vujudga keldi. Lekin undan samarali foydalanish hech kimga nasib etmadi. Jamoalar tanaffusga shu hisobda chiqib ketishdi.
Ikkinchi bo‘lim boshlanishi bilan oldinga intilgan mezbonlar hisobni oshirdi. Gol muallifi Muhammadanas Hasanov bo‘ldi.
60-daqiqada Doston Meliqo‘ziyev yuzaga kelgan vaziyatdan unumli foydalanib, hisobni yirik ko‘rinishga olib keldi. 63-daqiqada mehmonlar hisobni qisqartirishdi. Himoyadagi xatodan foydalangan Omon biyik Xalilov darvozani ishg‘ol etdi. 65-daqiqada jizzaxliklar ikkinchi marta darvozaga yo‘l topishdi. Bu safar Sahob Rashidov o‘zini ko‘rsatdi.
83-daqiqa Abror Rahmonovning kuchli zarbasini mehmonlar posboni arang qaytarib qoldi.
Qolgan daqiqalarda yuzaga kelgan imkoniyatlardan har ikki jamoa ham foydalana olmadi. Shu tariqa o‘rinbosarlar navbatdagi g‘alabani tantana qilishdi.
Yoshlar ligasi, 14-tur
“Qo‘qon-1912” – “So‘g‘diyona” – 3:2 (1:0)
Gollar: Abror Rahmonov (4), Muhammadanas Hasanov (46), Doston Meliqo‘ziyev (60) - Omon biyik Xalilov (63), Sahob Rashidov (65).
Hakamlar: Igor Gormashov, Shoxrux A’zamov, Ravshan Kopadze, Javohir Hakimov.
Nazoratchi: Sardor Najafaliyev.
“Qo‘qon-1912”: 30. Islom Abdullayev, 4. Doniyor To‘lashev, 6. Dilshod Baratov, 7. Oybek Rustamov, 10. Abror Rahmonov(15. Ibrohim Ahmadjonov - 85) , 19. Doston Meliqo‘ziyev, 25. Ismoil Oxunjonov, 29. Iqbol Malikjonov, 75. Ma’mur Rahimov (5. Mo‘min Sodiqjonov-64), 90. Avazxon Mamatxo‘jayev, 99. Muhammadanas Hasanov.
Zaxira: 12. Aziz Ashurov, 9. Ramzbek Isaqov, 20. Baxtiyor Abdubannonov, 55. Dadaxon Sulaymonov, 70. Ibrohim Muxtorov.
“So‘g‘diyona”: 1. Sarvar Karimov, 2. Omon biyik Xalilov, 8. Sahob Rashidov, 13. Rustam A’zamov, 14. Shoxrux Dostonov (Diyor Abdullayev – 46), 17. Ulug‘bek Xudoyberdiyev, 19. Doston Oripov (27. Ibrohim Qodirov -66), 22. Asiljon Orifov, 70. Dadajon Mamatqulov (15. Izzat Abdullayev – 58), 90. Jasur O‘rinov, 93. Shaxboz Jo‘rabekov.
Zaxira: 12. Shoxrux Eshbo‘tayev.
