So‘nggi paytlarda “Navbahor”ni ayrim futbolchilar tark etganligi haqidagi turli xil gap-so‘zlar paydo bo‘ldi.

Bu kabi gap-so‘zlarga jamoani rasman hech bir futbolchi tark etmaganligini ma’lum qilamiz. Ayrim o‘yinchilar hozirda jamoa bilan birga emasligiga esa turli sabablar bor. Jamoa bosh murabbiyi Ilhom Mo‘minjonov ba’zi futbolchilar oilaviy sababga ko‘ra ayrimlari esa betobliklari sababli tarkibda emasliklarini bildirdi.

Shu o‘rinda davralar oralig‘ida tarkibda bir qator o‘zgarishlar ro‘y berishini e’tirof etish joiz. Birinchi davraning so‘nggi uchrashuvi yakuniga yetgach “Navbahor”dan kimlarni ketishi va kimlarni jamoada qolishiga oydinlik kiritiladi. Aynan shundan keyin jamoa bilan qaysi futbolchilarni rasman xayrlashganliklari va ularning o‘rniga kelishi mumkin bo‘lgan o‘yinchilar haqida ma’lumot beramiz.