Сўнгги пайтларда “Навбаҳор”ни айрим футболчилар тарк этганлиги ҳақидаги турли хил гап-сўзлар пайдо бўлди.

Бу каби гап-сўзларга жамоани расман ҳеч бир футболчи тарк этмаганлигини маълум қиламиз. Айрим ўйинчилар ҳозирда жамоа билан бирга эмаслигига эса турли сабаблар бор. Жамоа бош мураббийи Илҳом Мўминжонов баъзи футболчилар оилавий сабабга кўра айримлари эса бетобликлари сабабли таркибда эмасликларини билдирди.

Шу ўринда давралар оралиғида таркибда бир қатор ўзгаришлар рўй беришини эътироф этиш жоиз. Биринчи давранинг сўнгги учрашуви якунига етгач “Навбаҳор”дан кимларни кетиши ва кимларни жамоада қолишига ойдинлик киритилади. Айнан шундан кейин жамоа билан қайси футболчиларни расман хайрлашганликлари ва уларнинг ўрнига келиши мумкин бўлган ўйинчилар ҳақида маълумот берамиз.