Oliy Liga 15-turida “Lokomotiv” “Bunyodkor” mehmoni bo‘ldi.

Keskin kurashlarga boy tarzda ko‘rinish olgan bellashuvda “qaldirg‘ochlar”ning qo‘li baland keldi – 1:0.

O‘yindan keyin o‘tkazilgan matbuot anjumanida “temiryo‘lchilar” jamoasi ustozi Andrey Miklyayev quyidagicha fikr bildirib o‘tdi:

"O‘yinni yomon boshlamagandik. Birinchi bo‘limda bir qator xavfli vaziyatlarni yuzaga keltira oldik. Biroq ulardan unumli foydalanish borasida omadimiz kelmadi. “Bunyodkor” esa gol urishni uddalay oldi.
O‘yindan-o‘yinga kadrlar bo‘yicha muammoga duch kelyapmiz. Kone ham kelasi bahsni o‘tkazib yuboradi. Hali yana jarohat olgan o‘yinchilar o‘rnini to‘ldirish borasida ham o‘ylashimiz lozim bo‘ladi.
Aynan kimnidir mag‘lubiyatda aybdor qila olmayman. Bugun vaziyatlar yarata oldik. Ammo ulardan foydalanishni uddalay olmadik. Hujum chizig‘ida muammolarimiz bor ekani ko‘rinib qoldi" - dedi tajribali mutaxassis.