Олий Лига 15-турида “Локомотив” “Бунёдкор” меҳмони бўлди.
Кескин курашларга бой тарзда кўриниш олган беллашувда “қалдирғочлар”нинг қўли баланд келди – 1:0.
Ўйиндан кейин ўтказилган матбуот анжуманида “темирйўлчилар” жамоаси устози Андрей Микляев қуйидагича фикр билдириб ўтди:
"Ўйинни ёмон бошламагандик. Биринчи бўлимда бир қатор хавфли вазиятларни юзага келтира олдик. Бироқ улардан унумли фойдаланиш борасида омадимиз келмади. “Бунёдкор” эса гол уришни уддалай олди.
Ўйиндан-ўйинга кадрлар бўйича муаммога дуч келяпмиз. Коне ҳам келаси баҳсни ўтказиб юборади. Ҳали яна жароҳат олган ўйинчилар ўрнини тўлдириш борасида ҳам ўйлашимиз лозим бўлади.
Айнан кимнидир мағлубиятда айбдор қила олмайман. Бугун вазиятлар ярата олдик. Аммо улардан фойдаланишни уддалай олмадик. Ҳужум чизиғида муаммоларимиз бор экани кўриниб қолди" - деди тажрибали мутахассис.
