“Liverpul” jamoasi “Arsenal” bilan yangi shartnoma borasida kelisha olmayotgan yarimhimoyachi Aleks Oksleyd-CHemberlenga qiziqish bildirmoqda.
London klubi Oksleyd-CHemberlenga haftasiga 125 ming yevro to‘lashga tayyor, ammo u ko‘proq maosh olmoqchi. Uning “to‘pchilar” bilan amaldagi kelishuvi 2018 yilgacha mo‘ljallangan.
Agar “Arsenal” yarimhimoyachisini sotishga qaror qilsa, “Liverpul” 23 yoshli futbolchi uchun 27 million yevro to‘lashi kerak bo‘ladi. Mersisaydliklar voqealar rivojini kuzatishda davom etmoqda.
O‘tgan mavsumda Aleks Oksleyd-CHemberlen “Arsenal”ning barcha musobaqalarida jami 45 o‘yinda maydonga tushib, 6 ta gol va 11 ta golli pasga mualliflik qildi.
