“Ливерпуль” жамоаси “Арсенал” билан янги шартнома борасида келиша олмаётган яримҳимоячи Алекс Окслейд-Чемберленга қизиқиш билдирмоқда.
Лондон клуби Окслейд-Чемберленга ҳафтасига 125 минг евро тўлашга тайёр, аммо у кўпроқ маош олмоқчи. Унинг “тўпчилар” билан амалдаги келишуви 2018 йилгача мўлжалланган.
Агар “Арсенал” яримҳимоячисини сотишга қарор қилса, “Ливерпуль” 23 ёшли футболчи учун 27 миллион евро тўлаши керак бўлади. Мерсисайдликлар воқеалар ривожини кузатишда давом этмоқда.
Ўтган мавсумда Алекс Окслейд-Чемберлен “Арсенал”нинг барча мусобақаларида жами 45 ўйинда майдонга тушиб, 6 та гол ва 11 та голли пасга муаллифлик қилди.
