Rossiyada Konfederasiyalar kubogi musobaqasi yakuniga yetmoqda.
Uchinchi o‘rin uchun bahsda Portugaliya va Meksika to‘qnash keldi. Birinchi bo‘limda portugaliyalik Andre Silva penaltini amalga oshirolmay, jamoadoshlariga pand berib qo‘ydi. Ikkinchi bo‘limda esa Chicharito tomonidan jarima maydoniga oshirilgan to‘pni himoyachi Netu o‘z darvozasiga yo‘llab qo‘ydi. Biroq, so‘nggi daqiqada urilgan Pepening goli Portugaliyani mag‘lubiyatdan qutqarib qoldi.
Qo‘shimcha vaqtda esa bosh hakam Meksika darvozasiga yana bir penalti belgiladi. Uni Adrian Silva aniq amalga oshirib, jamoasini hisobda oldinga olib chiqdi. Bu natija o‘yin oxirigacha o‘zgarmadi.
KK-2017. Uchinchi o‘rin uchun bahs
Portugaliya – Meksika 2:1 (0:0, 1:1, 1:0, 0:0) qo‘shimcha vaqtdan so‘ng
2 iyul, Moskva, «Otkritiye Arena» stadioni
Gollar: 0:1 – 54, avtogol Netu, 1:1 – 90 Pepe, 2:1 – 104, penalti Adriyen Silva.
Portugaliya – Ruy Patrisiu, Pepe, Elizeu, Nelson Semedu, Netu, Pissi (Vilyam Karvalyu, 90), Danilu Pereyra (Andre Gomesh, 82), Nani (Kuarejma, 70), Moutinyu (Adriyen Silva, 82), Jelson Martinsh, Andre Silva.
Meksika – Ochoa, Markes (Fabian, 105), Moreno, Layyun, Guardado (Dos Santos, 80), Reyes, Errera, Vela, Arauxo, Peralta (Losano, 61), Ernandes (Ximenes, 85).
Ogohlantirishlar: Markes (16), Nelson Semedu (26), Ximenes (94), Moreno (98).
Chetlatish: Nelson Semedu (106), Ximenes (112).
