Россияда Конфедерациялар кубоги мусобақаси якунига етмоқда.

Учинчи ўрин учун баҳсда Португалия ва Мексика тўқнаш келди. Биринчи бўлимда португалиялик Андре Силва пенальтини амалга оширолмай, жамоадошларига панд бериб қўйди. Иккинчи бўлимда эса Чичарито томонидан жарима майдонига оширилган тўпни ҳимоячи Нету ўз дарвозасига йўллаб қўйди. Бироқ, сўнгги дақиқада урилган Пепенинг голи Португалияни мағлубиятдан қутқариб қолди.

Қўшимча вақтда эса бош ҳакам Мексика дарвозасига яна бир пенальти белгилади. Уни Адриан Силва аниқ амалга ошириб, жамоасини ҳисобда олдинга олиб чиқди. Бу натижа ўйин охиригача ўзгармади.

КК-2017. Учинчи ўрин учун баҳс
Португалия – Мексика 2:1 (0:0, 1:1, 1:0, 0:0) қўшимча вақтдан сўнг
2 июль, Москва, «Откритие Арена» стадиони
Голлар: 0:1 – 54, автогол Нету, 1:1 – 90 Пепе, 2:1 – 104, пенальти Адриен Силва.
Португалия – Руй Патрисиу, Пепе, Элизеу, Нелсон Семеду, Нету, Пицци (Вильям Карвалью, 90), Данилу Перейра (Андре Гомеш, 82), Нани (Куарежма, 70), Моутинью (Адриен Силва, 82), Желсон Мартинш, Андре Силва.
Мексика – Очоа, Маркес (Фабиан, 105), Морено, Лайюн, Гуардадо (Дос Сантос, 80), Рейес, Эррера, Вела, Араухо, Перальта (Лосано, 61), Эрнандес (Хименес, 85).
Огоҳлантиришлар: Маркес (16), Нелсон Семеду (26), Хименес (94), Морено (98).
Четлатиш: Нелсон Семеду (106), Хименес (112).