O‘zbekiston terma jamoasi murabbiylaridan biri Viktor Jalilov «FIFA» ko‘rsatuviga intervyu berdi.

Uning gapiga qaraganda, O‘zbekiston terma jamoasi o‘rtoqlik o‘yinlarini tashkil qilish uchun juda ko‘p federasiyalarga taklif bilan chiqqan.

«O‘rtoqlik o‘yinlariga raqib tanlanayotganda murabbiylar shtabining fikri ham inobatga olinadi. Biz ham rasmiy o‘yinlardagi bo‘lajak raqibga mos, o‘xshash jamoa topishga harakat qilamiz. Masalan, so‘nggi vaqtlarda janubiy-sharqiy Osiyo mamlakatlari jamoalari bilan o‘ynashga harakat qilmoqdamiz.

Hozirgi kunda ham O‘zbekiston futbol federasiyasi bilan hamkorlikda 10-12ta federasiyalarga o‘rtoqlik o‘yini o‘tkazish uchun taklif jo‘natganmiz. Lekin afsuski ularning hammasi ham qabul qilmaydi. Chunki boshqa terma jamoalar bir yil, yoki bir yarim yillik rejani oldindan tuzib qo‘ygan bo‘ladi» - dedi Jalilov.