Ўзбекистон терма жамоаси мураббийларидан бири Виктор Жалилов «ФИФА» кўрсатувига интервью берди.
Унинг гапига қараганда, Ўзбекистон терма жамоаси ўртоқлик ўйинларини ташкил қилиш учун жуда кўп федерацияларга таклиф билан чиққан.
«Ўртоқлик ўйинларига рақиб танланаётганда мураббийлар штабининг фикри ҳам инобатга олинади. Биз ҳам расмий ўйинлардаги бўлажак рақибга мос, ўхшаш жамоа топишга ҳаракат қиламиз. Масалан, сўнгги вақтларда жанубий-шарқий Осиё мамлакатлари жамоалари билан ўйнашга ҳаракат қилмоқдамиз.
Ҳозирги кунда ҳам Ўзбекистон футбол федерацияси билан ҳамкорликда 10-12та федерацияларга ўртоқлик ўйини ўтказиш учун таклиф жўнатганмиз. Лекин афсуски уларнинг ҳаммаси ҳам қабул қилмайди. Чунки бошқа терма жамоалар бир йил, ёки бир ярим йиллик режани олдиндан тузиб қўйган бўлади» - деди Жалилов.
