Yurtimiz futboli tarixida shunday futbolchilar borki, ular qisqa umr ko‘rgan bo‘lsa-da, o‘zlarining faoliyati davomida ajoyib o‘yin namoyish etib, barchada birdek yaxshi taassurot qoldira olgan.
Shunday futbolchilardan sanaladigan Aleksandr Shadrin hamda Ulug‘bek Usmondiyorov xotirasini yod etish maqsadida Bo‘ka shahrida xotira turniriga start berildi. Unda 17-18 yoshli futbolchilardan iborat 14 ta jamoa ishtirok etmoqda. Qiziqarli tarzda kechayotgan musobaqada ayni damda guruh bahslari bo‘lib o‘tmoqda. 9 iyul sanasida ushbu turnir o‘z g‘olib va sovrindorlarini aniqlaydi.
Turnirning taqdirlash marosimida “Lokomotiv” jamoasi vakillari ham ishtirok etishadi.
