«Everton» hujumchisi Romelu Lukaku AQSHda noxush voqea qahramoniga aylandi.
Futbolchi Beverli-Xillz shaharchasida polisiya tomonidan hibsga olingan.
TMZ xabariga ko‘ra, Lukaku «MYU» klubiga o‘tganini nishonlash maqsadida, tuni bilan shovqin-suron ko‘tarib, katta bazm uyushtirgan. Bundan ranjigan qo‘shnilar 6 marta polisiyani chaqirishga majbur bo‘lgan. Shundan so‘ng, Lukaku hibsga olinib, polisiya qarorgohiga olib ketilgan.
Sky Sports ma’lumotiga qaraganda, endi Lukakuni sud mahkamasi kutib turibdi. U 2 oktyabr kuni Los-Anjeles sudiga tashrif buyurib, jamoat tartibini buzganlik ayblovi yuzasidan mahkamada ishtirok etishi shart. Katta ehtimol bilan u jarimaga tortiladi.
