«Эвертон» ҳужумчиси Ромелу Лукаку АҚШда нохуш воқеа қаҳрамонига айланди.
Футболчи Беверли-Хиллз шаҳарчасида полиция томонидан ҳибсга олинган.
TMZ хабарига кўра, Лукаку «МЮ» клубига ўтганини нишонлаш мақсадида, туни билан шовқин-сурон кўтариб, катта базм уюштирган. Бундан ранжиган қўшнилар 6 марта полицияни чақиришга мажбур бўлган. Шундан сўнг, Лукаку ҳибсга олиниб, полиция қароргоҳига олиб кетилган.
Sky Sports маълумотига қараганда, энди Лукакуни суд маҳкамаси кутиб турибди. У 2 октябрь куни Лос-Анжелес судига ташриф буюриб, жамоат тартибини бузганлик айблови юзасидан маҳкамада иштирок этиши шарт. Катта эҳтимол билан у жаримага тортилади.
