Angliyaning “Everton” klubi hujumchisi Romelu Lukaku tez orada “Manchester Yunayted” futbolchisiga aylanadi.

Ma’lum bo‘lishicha, tomonlar o‘zaro kelishuvga erishgan, faqat futbolchi yaqin kunlarda “MYU”da tibbiy ko‘rikdan o‘tish ishlari qolgan. Bundan tashqari, “MYU” belgiyalik futbolchi bilan shaxsiy kelishuv bo‘yicha shartlarni ham bajaradi.

Hozircha transfer miqdori qanchaligi aniq keltirib o‘tilmadi. Avvalgi xabarlarda “MYU” futbolchi uchun 90 million funt ajratishi haqida xabarlar tarqalgandi.

Romelu Lukakuning “Everton”dan “Manchester Yunayted”ga o‘tishi Angliya premyer ligasining ichki transfer rekordi bo‘lishi kutilmoqda.

So‘nggi ma’lumotlarga ko‘ra, “Manchester Yunayted” Lukaku transferi uchun 75 million funt to‘lashga rozilik bildirgan bo‘lib, transferning umumiy qiymati (+ bonuslar bilan) 100 million funtga aylanishi mumkin.

Ma’lumot uchun, Angliya premyer ligasining ichki transfer rekordi 2015 yili Rahim Sterlingning “Liverpul”dan “Manchester Siti”ga 49,5 million funt evaziga o‘tishi bo‘lgandi.

Shuningdek, “Manchester Yunayted” o‘tgan yili “Yuventus”dan fransiyalik futbolchi Pol Pogbani 105 million yevroga sotib olib, dunyo transfer rekordini yangilagandi. Undan avval “Real” “Tottenxem”dan 100 million yevro evaziga Garet Beylni sotib olgandi.

Tez kunlarda transfer qiymatining aniq miqdori haqida saytimiz orqali xabar beramiz.