Chempionatning ikkinchi davrasiga qizg‘in hozirlik ko‘rayotgan "Sho‘rtan" tarkibiga yangi futbolchilar kelib qo‘shilmoqda.

Jumladan V.Legay va G.Kochnev qo‘l ostida o‘tayotgan mashg‘ulotlarda Sunnatillo Mamadaliyev (“So‘g‘diyona”), Hasanboy Ergashev (“Navbahor”) va Abbos Omonov (“Mash’al”) kabi futbolchilar ishtirok etmoqda.

Aslida, bu futbolchilar “Sho‘rtan” uchun begona emas. Uchalasi ham o‘tgan yili G‘uzor jamoasi sharafini himoya qilgan edi.

11 iyul sanasida “Sho‘rtan”ning murabbiylar guruhi va futbolchilari Toshkentdagi Respublika sport tibbiyot ilmiy-amaliy markazida o‘z salomatliklarini tekshiruvdan o‘tkazadi.

G‘uzordagi mashg‘ulotlar 18 iyulga qadar davom etadi.