Чемпионатнинг иккинчи даврасига қизғин ҳозирлик кўраётган "Шўртан" таркибига янги футболчилар келиб қўшилмоқда.

Жумладан В.Легай ва Г.Кочнев қўл остида ўтаётган машғулотларда Суннатилло Мамадалиев (“Сўғдиёна”), Ҳасанбой Эргашев (“Навбаҳор”) ва Аббос Омонов (“Машъал”) каби футболчилар иштирок этмоқда.

Аслида, бу футболчилар “Шўртан” учун бегона эмас. Учаласи ҳам ўтган йили Ғузор жамоаси шарафини ҳимоя қилган эди.

11 июль санасида “Шўртан”нинг мураббийлар гуруҳи ва футболчилари Тошкентдаги Республика спорт тиббиёт илмий-амалий марказида ўз саломатликларини текширувдан ўтказади.

Ғузордаги машғулотлар 18 июлга қадар давом этади.