“Real” sobiq bosh direktori Xorxe Valdano bir paytlar “qirollik klubi” prezidenti Florentino Peresga Kakani 12 million yevroga sotib olishni tavsiya qilganini aytdi. “Qirollik klubi” keyinchalik, ya’ni 2009 yilda Kakani 69 million yevroga xarid qilgan.
— 2002 yilda “Real” butun dunyo futbol yulduzlari jamoasiga qarshi o‘yin o‘tkazdi. O‘shanda Kaka raqib safida atigi 20 daqiqa harakat qildi. Biroq shu daqiqa ham uning qanday iqtidorga ega ekanligini bilishimga kifoya qildi. Men shu zahoti Peresga Kakani 12 million yevroga sotib olish kerakligini, to‘rt yildan keyin uning narxi 60 million yevroga oshib ketishini aytgandim. Biroq u ko‘nmagandi, — dedi Valdano.
