“Реал” собиқ бош директори Хорхе Вальдано бир пайтлар “қироллик клуби” президенти Флорентино Пересга Какани 12 миллион еврога сотиб олишни тавсия қилганини айтди. “Қироллик клуби” кейинчалик, яъни 2009 йилда Какани 69 миллион еврога харид қилган.

— 2002 йилда “Реал” бутун дунё футбол юлдузлари жамоасига қарши ўйин ўтказди. Ўшанда Кака рақиб сафида атиги 20 дақиқа ҳаракат қилди. Бироқ шу дақиқа ҳам унинг қандай иқтидорга эга эканлигини билишимга кифоя қилди. Мен шу заҳоти Пересга Какани 12 миллион еврога сотиб олиш кераклигини, тўрт йилдан кейин унинг нархи 60 миллион еврога ошиб кетишини айтгандим. Бироқ у кўнмаганди, — деди Вальдано.