"Verder" va "Ayaks" jamoalari o‘rtasida o‘tkazilgan uchrashuvning 72-daqiqasida, kutilmaganda o‘zini noxush his qilib maydonga yiqilgan va birozdan so‘ng hushidan ketgan Abdulhaq Nuriy aslida jiddiy va bedavo dardga chalingani ma’lum bo‘ldi.

"Ayaks" klubining xabariga ko‘ra, 20 yoshli futbolchining tiklanib olish imkoniyati yo‘q ekan.

"Bu eng yomon xabar. Nuriyning yaqinlari va do‘stlarining hozirgi iztiroblarini so‘z bilan ifodalab bo‘lmaydi. Bu voqealarning istalgan rivojiga tayyor turadigan «Ayaks» uchun ham jiddiy zarba" — dedi klub bosh direktori Edvin van der Sar.

Dastlabki ma’lumotlarga ko‘ra, Nuriy yuragidagi aritmiya tufayli hushidan ketgani aytilgandi.

Abdulhaq Nuriy "Ayaks" tarbiyalanuvchisi hisoblanadi. U 2015 yilda jamoa tarkibida debyut qilgan. O‘tgan mavsumda Nuriy klubi safida barcha turnirlar doirasida 41 uchrashuv o‘tkazgan, 11 gol urib, 14 golga uzatma bergandi.