Angliya futbol uyushmasi (FA) «Satton» klubining sobiq darvozaboni Ueyn Shouga ayblov e’lon qildi.
45 yoshli futbolchi tashkilot qoidasini buzganlikda ayblanmoqda.
Eslatib o‘tamiz, Angliya kubogidan o‘rin olgan «Arsenal»ga qarshi o‘yinda Shou zaxira o‘rindig‘ida pirog yegan. O‘yindan keyin bukmekerlar aynan shu hodisaga 9.00 koeffisiyent bilan pul qabul qilgani ma’lum bo‘ldi. Shou bundan xabardor bo‘lgan va do‘stlariga xabar bergan. Ular esa hodisaga pul tikib, katta pul yutib olishgan.
Intizomiy ish ochilganidan so‘ng «Satton» darvozaboni bilan shartnomani bekor qildi. Shouning o‘zi esa do‘stlarining pul tikishidan foydalanmaganini aytdi. Uning gapiga ko‘ra, bu ishni hazillashish uchun qilgan.
