«Milan» klubi rasmiy saytida «Yuventus» himoyachisi Leonardo Bonuchchining transferini kelishib olganini e’lon qildi.
Yaqin kunlarda 30 yoshli futbolchi tibbiy ko‘rikdan o‘tadi va 5 yillik shartnomaga imzo chekadi.
Avvalroq, «rossoneri» uni jamoa sardori qilishga tayyor ekanini ma’lum qilgan edi. Bundan tashqari, Bonuchchi 6,5 mln yevro maosh bilan Italiya A seriyasining eng serdaromad futbolchisiga aylanadi.
Eslatib o‘tamiz, Bonuchchi «Yuventus» tarkibida 2010 yildan buyon o‘ynab, Italiya chempioni, mamlakat kubogi va superkubogi sohibi bo‘lgan edi.
