«Милан» клуби расмий сайтида «Ювентус» ҳимоячиси Леонардо Бонуччининг трансферини келишиб олганини эълон қилди.
Яқин кунларда 30 ёшли футболчи тиббий кўрикдан ўтади ва 5 йиллик шартномага имзо чекади.
Аввалроқ, «россонери» уни жамоа сардори қилишга тайёр эканини маълум қилган эди. Бундан ташқари, Бонуччи 6,5 млн евро маош билан Италия А сериясининг энг сердаромад футболчисига айланади.
Эслатиб ўтамиз, Бонуччи «Ювентус» таркибида 2010 йилдан буён ўйнаб, Италия чемпиони, мамлакат кубоги ва суперкубоги соҳиби бўлган эди.
