Floyd Meyvezer hamda Konor MakGregor o‘rtasidagi jang oldidan tashkil etilgan yuzma-yuz uchrashuvlarning uchinchi kuniga Nyu-York mezbonlik qildi.

Bunda bokschi Floyd Meyvezer bor obro‘sini UFC orqali qo‘lga kiritgan raqibi Konor MakGregor ustidan 1 dollarlik pullarni sochib tashladi. Kanadada kechgan bir kun oldingi uchrashuvda Konor Floydning pul solingan sumkasini ko‘tarilib olgan va bor-yo‘g‘i 5 ming dollar bilan yurganini kalaka qilgandi.

Ustidan pullar sochilgan Konor bular faqatgina 1 dollarlik kupyuralar ekanini, haqiqiy pullar qayerda ekanini kulib so‘radi. Bunga javoban Floyd Meyvezer «bu sening haqiqiy narxing», deya javob qaytardi.

Konor hamda Floyd O‘rtasidagi jang 26 avgust kuni Las-Vegasda bo‘lib o‘tadi.