«Yuventus» himoyachisi Leonardo Bonuchchi Gazzetta dello Sport nashrining bir sahifasini to‘lig‘icha sotib oldi.

«Milan» safiga o‘tishga tayyorgarlik ko‘rayotgan futbolchi sahifaga «Yuventus» muxlislari bilan xayrlashuv xabarini joylashtirdi.

«Etti mavsum ortda qoldi. Ajoyib muhitga ega jamoa tarkibidagi yetti mavsumlik g‘alaba. Oltita skudetto. Albatta, Chempionlar ligasida g‘alaba qozonolmaganimiz alamlidir. Ammo, qo‘lga kiritilgan yutuqlardan va ahil oila vakili bo‘lishdan faxrlanish tuyg‘usi alamdan kuchliroq.

Men har bir o‘yinda bor kuchimni sarflab harakat qildim. Orqaga nazar solar ekanman, klub, jamoadoshlarim va muxlislar bilan birga katta g‘alabalar quvonchini his qilganimni ko‘rmoqdaman. Barchasi uchun rahmat «Yuve» - deyiladi Bonuchchi bayonotida.

Italiya matbuoti xabariga ko‘ra, Bonuchchi «Milan» bilan 5 yillik shartnoma imzolaydi. Uning maoshi 6,5 mln yevro bo‘ladi.