Ulkan toj turkumiga kiruvchi tennis bo‘yicha jahonnning eng yirik musobaqalaridan biri — "Uimbldon" musobaqasi yakuniga yetib bormoqda. Turnirda hal qiluvchi bahslar qoldi hamda finalda ishtirok etadigan sportchilar nomi aniq bo‘ldi.

Erkaklar
Bosh sovrin uchun Marin Chilich va Rojer Federer kortga chiqishadi. Xorvatiyalik tennischi yarim finalda AQSHlik Sem Kuerrini 4ta setda mag‘lub etdi. Sem chorak finalda Endi Marreyni musobaqadan chiqarib yuborgandi. Shveysariyalik sportchi esa final yo‘llanmasi uchun bahsda Tomash Berdix (CHexiya)ni uchta setda mag‘lub etdi. Setlarning 2tasi tay-brekkacha davom etdi.

Ayollar
Ayollar o‘rtasidagi musobaqada AQSHlik Venus Uilyams finalgacha yetib keldi va u ispaniyalik Garbin Muguruza bilan bahs yuritadi. Uilyams yarim finalda hamyurti Yoanna Kontani 6-4, 6-2 hisoblarida mag‘lubiyatga uchratgan bo‘lsa, Muguruza final yo‘llanmasi uchun o‘yinda qiyinchalikka uchramadi. U slovakiyalik Magdalena Ribarikovani 2ta setda bir xil — 6-1 hisobida yengdi.

Erkaklar juftligi, final
Lukash Kubot (Polsha) / Marselo Melo (Braziliya) — Oliver Marax (Avstraliya) / Mate Pavich (Xorvatiya)

Ayollar juftligi, final
Chan Xao-CHing (Xitoy Taypeyi) / Monika Nikulesku (Ruminiya) — Yekaterina Makarova / Yelena Vesnina (ikkisi — Rossiya)

Aralash juftlik, final
Jeymi Marrey (Buyuk Britaniya) / Martina Xingis (SHveysariya) — Xenri Kortinen (Finlyandiya) / Xezer Uotson (Buyuk Britaniya)