«Inter» prezidenti, indoneziyalik tadbirkor Erik Tohir lavozimini tark etadi.

Uning gapiga ko‘ra, so‘nggi paytlarda mulozim Osiyo o‘yinlari – 2018 musobaqasining tashkilotchilik ishlari bilan shug‘ullanmoqda va «Inter» uchun vaqt topolmayapti.

«Osiyo o‘yinlari tufayli boshqa ishlarni tashlab qo‘ydim. Avval, har oyda Milanga borib turardim, ammo bu yil aprel oyidan buyon Italiyaga kelmadim. Endi lavozimni tark etmoqchiman.

Futbol yuksalish va pasayishdan iborat. «Inter» - baquvvat klub, shu tufayli uning muxlislari ham ko‘p. O‘tgan mavsumni ko‘ngildagidek yakunlamadik, bu qayg‘uli» - dedi Tohir Football Italia xabarida.