«Интер» президенти, индонезиялик тадбиркор Эрик Тоҳир лавозимини тарк этади.
Унинг гапига кўра, сўнгги пайтларда мулозим Осиё ўйинлари – 2018 мусобақасининг ташкилотчилик ишлари билан шуғулланмоқда ва «Интер» учун вақт тополмаяпти.
«Осиё ўйинлари туфайли бошқа ишларни ташлаб қўйдим. Аввал, ҳар ойда Миланга бориб турардим, аммо бу йил апрель ойидан буён Италияга келмадим. Энди лавозимни тарк этмоқчиман.
Футбол юксалиш ва пасайишдан иборат. «Интер» - бақувват клуб, шу туфайли унинг мухлислари ҳам кўп. Ўтган мавсумни кўнгилдагидек якунламадик, бу қайғули» - деди Тоҳир Football Italia хабарида.
