«Barselona» bosh murabbiyi Ernesto Valverde «PSJ» yarimhimoyachisi Marko Verratti transferi haqida o‘z fikrini aytdi.
«Verratti haqida o‘ylamayapman. Yangi futbolchilarni xarid qilish haqida umuman qayg‘urmayapman, ammo klub tarkibimizni kuchaytirish ustida ishlamoqda. Mening vazifam – qo‘limdagi futbolchilar bilan ishlash.
Bilaman, juda ko‘p futbolchilar «Barselona»ga o‘tishni istaydi. Tarkibimizda dunyoning eng yaxshi futbolchilari bo‘lishini xohlaymiz va ular bizda bor» - dedi Valverde Football Espana xabarida.
Eslatib o‘tamiz, hozirgacha «Barselona» Nelson Semedu va Jerar Deulofeu bilan shartnoma imzoladi.
