Myunxenning «Bavariya» klubi himoyachisi Mats Xummels jamoaga yangi kelib qo‘shilgan Korentin Tolisso va Xames Rodrigeslar haqida fikr bildirib o‘tdi.
«Gap juda kuchli ikki futbolchi haqida ketmoqda. Xames to‘p bilan ishlashda yuqori saviyaga ega ekanligi ko‘rinmoqda. U to‘pni kamdan-kam oldirib qo‘yadigan futbolchilar sirasiga kiradi. Xames futbolning barcha nozik jihatlaridan xabardor va raqib darvozasi oldida juda xavfli.
Tolisso mashg‘ulotlarda yaxshi ishlamoqda. Kun sayin yanada kuchayib borayotgani ko‘rinib turibdi. Ushbu mavsumda u biz uchun juda foydali futbolchiga aylanadi» — deydi Xummels.
