Мюнхеннинг «Бавария» клуби ҳимоячиси Матс Хуммельс жамоага янги келиб қўшилган Корентин Толиссо ва Хамес Родригеслар ҳақида фикр билдириб ўтди.
«Гап жуда кучли икки футболчи ҳақида кетмоқда. Хамес тўп билан ишлашда юқори савияга эга эканлиги кўринмоқда. У тўпни камдан-кам олдириб қўядиган футболчилар сирасига киради. Хамес футболнинг барча нозик жиҳатларидан хабардор ва рақиб дарвозаси олдида жуда хавфли.
Толиссо машғулотларда яхши ишламоқда. Кун сайин янада кучайиб бораётгани кўриниб турибди. Ушбу мавсумда у биз учун жуда фойдали футболчига айланади» — дейди Хуммельс.
