«Manchester Yunayted» yarimhimoyachisi Genrix Mxitaryan debyut mavsumidan so‘ng, yanada kuchayganini aytdi.
Futbolchi klubga kelgan paytida Joze Mourinyoning ishonchini oqlay olmagandi.
«O‘tgan mavsum kuchimga kuch qo‘shdi. Bu ijobiy tajriba edi. Og‘ir davrlar va qiyinchiliklar yangi saviyaga ko‘tarilishimga yordam berdi. Men yanada kuchaydim, irodamni tobladim. Astoydil mehnat qilib, «MYU» tarkibida o‘ynashga loyiq ekanimni va jamoaga foydam tegishini isbotladim» - dedi Mxitaryan Sky Sports xabarida.