Londonning «Arsenal» klubi o‘tgan mavsum oldidan Lukas Peresni 20 million yevroga sotib olgandi. Ispaniyalik futbolchi jamoaning asosiy tarkibidan o‘rin ololmadi.
Peresning jamoadagi raqami 9 edi. Londonliklar Aleksandr Lyakazettni sotib olgach, bu raqamni unga berishdi va bundan Lukasni hatto ogohlantirishmagan ham.
Sky Sports xabariga ko‘ra, ispaniyalik forvard rahbariyatning bu ishidan «shok» holatida.
Shundan so‘ng Peres «Deportivo»ga qaytish istagini bildirgan.
Hujumchi o‘tgan qishki transfer mavsumidayoq jamoani tark etishga qaror qilgandi, ammo unga o‘yin amaliyoti berilishini va’da qilib, tarkibda saqlab qolishdi. Biroq bu va’da ham bajarilmadi.
