Лондоннинг «Арсенал» клуби ўтган мавсум олдидан Лукас Пересни 20 миллион еврога сотиб олганди. Испаниялик футболчи жамоанинг асосий таркибидан ўрин ололмади.
Переснинг жамоадаги рақами 9 эди. Лондонликлар Александр Ляказеттни сотиб олгач, бу рақамни унга беришди ва бундан Лукасни ҳатто огоҳлантиришмаган ҳам.
Sky Sports хабарига кўра, испаниялик форвард раҳбариятнинг бу ишидан «шок» ҳолатида.
Шундан сўнг Перес «Депортиво»га қайтиш истагини билдирган.
Ҳужумчи ўтган қишки трансфер мавсумидаёқ жамоани тарк этишга қарор қилганди, аммо унга ўйин амалиёти берилишини ваъда қилиб, таркибда сақлаб қолишди. Бироқ бу ваъда ҳам бажарилмади.
