«Barselona» hujumchisi Neymarning vakillari «PSJ» klubidan qat’iy kafolatni talab qilmoqda.
Futbolchi «PSJ» tarkibiga o‘tsa, UYEFA moliyaviy feyr-pley qoidalarining buzilmasligiga ishonch hosil qilmoqchi.
Ayni paytda, uning transferi bo‘yicha shartnoma rasmiylashtirilmagan, biroq bu ishning amalga oshishi juda yaqin, deb xabar bermoqda As.
Ma’lumki, «PSJ» uning transferi uchun 222 mln yevro to‘lashiga to‘g‘ri keladi. Futbolchining vakillari esa UYEFA bu transferni o‘rganib chiqqanida hech qanday qoidabuzarlikni aniqlamasligi va unga nisbatan jazo choralarini qo‘llamasligiga ishonch hosil qilmoqchi.
Eslatib o‘tamiz, moliyaviy feyr-pley qoidalariga ko‘ra, klublar daromadiga yarasha xarajat qilishi shart.
