«Барселона» ҳужумчиси Неймарнинг вакиллари «ПСЖ» клубидан қатъий кафолатни талаб қилмоқда.
Футболчи «ПСЖ» таркибига ўтса, УЕФА молиявий фэйр-плей қоидаларининг бузилмаслигига ишонч ҳосил қилмоқчи.
Айни пайтда, унинг трансфери бўйича шартнома расмийлаштирилмаган, бироқ бу ишнинг амалга ошиши жуда яқин, деб хабар бермоқда As.
Маълумки, «ПСЖ» унинг трансфери учун 222 млн евро тўлашига тўғри келади. Футболчининг вакиллари эса УЕФА бу трансферни ўрганиб чиққанида ҳеч қандай қоидабузарликни аниқламаслиги ва унга нисбатан жазо чораларини қўлламаслигига ишонч ҳосил қилмоқчи.
Эслатиб ўтамиз, молиявий фэйр-плей қоидаларига кўра, клублар даромадига яраша харажат қилиши шарт.
