«Chelsi» klubi joriy yil yozgi transferlarini hali tugatgani yo‘q.

The Telegraph xabariga ko‘ra, jamoa rahbariyati yangi futbolchilarning xaridi uchun 250 million funt sarflashni rejalashtirmoqda.

Bosh murabbiy Antonio Kontening talabiga ko‘ra, «Sauthempton» himoyachisi Virjil van Deyk, «Yuventus» yarimhimoyachisi Aleks Sandro, «Inter» yarimhimoyachisi Antonio Kandreva va «Suonsi» hujumchisi Fernando Lyorente transferlari ustida ish olib borilmoqda.

Eslatib o‘tamiz, «Chelsi» shu kungacha «Real» hujumchisi Alvaro Morata, «Roma» himoyachisi Antonio Ryudiger va «Monako» yarimhimoyachisi Tyemue Bakayoko bilan shartnoma imzolab, taxminan 150 million funt mablag‘ sarfladi.