«Челси» клуби жорий йил ёзги трансферларини ҳали тугатгани йўқ.
The Telegraph хабарига кўра, жамоа раҳбарияти янги футболчиларнинг хариди учун 250 миллион фунт сарфлашни режалаштирмоқда.
Бош мураббий Антонио Контенинг талабига кўра, «Саутҳемптон» ҳимоячиси Виржил ван Дейк, «Ювентус» яримҳимоячиси Алекс Сандро, «Интер» яримҳимоячиси Антонио Кандрева ва «Суонси» ҳужумчиси Фернандо Льоренте трансферлари устида иш олиб борилмоқда.
Эслатиб ўтамиз, «Челси» шу кунгача «Реал» ҳужумчиси Альваро Мората, «Рома» ҳимоячиси Антонио Рюдигер ва «Монако» яримҳимоячиси Тьемуэ Бакайоко билан шартнома имзолаб, тахминан 150 миллион фунт маблағ сарфлади.
