8 iyul kuni “Sanderlend” klubining saraton bilan kasallangan 6 yoshli muxlisi Bredli Loueri vafot etgan edi.
Angliyaning “Everton” klubi marhum bolakay xotirasiga bag‘ishlab xayriya uchrashuvini o‘tkazishi haqida e’lon qildi. O‘yin 3 sentyabr kuni Liverpul shahrida joylashgan “Gudison Park” stadionida bo‘lib o‘tadi.
Ma’lumot o‘rnida, shifokorlar 6 yoshli bolakayda neyroblastoma kasalligining yuqori darajadagi o‘simtasi borligini aniqlashgan. Kasallik asosan asab tizimini ishdan chiqaradi. Bu turdagi o‘simta yosh bolalarda ko‘proq uchraydi. Bredli Loueri esa kasallik bilan uzoq kurash olib bordi.
Bolakay o‘tgan mavsum Angliya premyer ligasi jamoalari va futbolchilari tomonidan qo‘llab-quvvatlanganidan so‘ng, barchaga tanilgan bo‘lib, uning to‘satdan vafot etishi inglizlarni qayg‘uga solgan edi.
