8 июль куни “Сандерленд” клубининг саратон билан касалланган 6 ёшли мухлиси Брэдли Лоуэри вафот этган эди.
Англиянинг “Эвертон” клуби марҳум болакай хотирасига бағишлаб хайрия учрашувини ўтказиши ҳақида эълон қилди. Ўйин 3 сентябрь куни Ливерпуль шаҳрида жойлашган “Гудисон Парк” стадионида бўлиб ўтади.
Маълумот ўрнида, шифокорлар 6 ёшли болакайда нейробластома касаллигининг юқори даражадаги ўсимтаси борлигини аниқлашган. Касаллик асосан асаб тизимини ишдан чиқаради. Бу турдаги ўсимта ёш болаларда кўпроқ учрайди. Брэдли Лоуэри эса касаллик билан узоқ кураш олиб борди.
Болакай ўтган мавсум Англия премьер лигаси жамоалари ва футболчилари томонидан қўллаб-қувватланганидан сўнг, барчага танилган бўлиб, унинг тўсатдан вафот этиши инглизларни қайғуга солган эди.
