Portugaliyaning «Benfika» klubi timsoli bo‘lmish burgutni Gresiyaning AYEK klubiga ijaraga bermadi.

AYEK prezidenti Dimitris Melissanidis «Benfika»ga murojaat qilib, yangi stadionning ochilish marosimida Vitoriya ismli burgutdan foydalanish uchun ruxsat so‘ragan edi. Ma’lumki, «Benfika»ning uy o‘yinlaridan oldin o‘rgatilgan burgut uchirib yuboriladi va u stadiondagi maxsus belgilangan joyga xo‘rak yeyish uchun qo‘nadi.

Record xabariga ko‘ra, portugaliyaliklar burgutni «Da Lush» stadioniga ko‘nikib qolganini, tashqariga chiqishi oqibatida unga zarar yetishi mumkinligini bahona qilib, qushni berishni istamadi.

Eslatib o‘tamiz, ayni paytda «Benfika» va «Lasio» klublari burgut xizmatidan foyalanib kelmoqda. AYEK klubining timsoli esa ikki boshli burgutdir.