Португалиянинг «Бенфика» клуби тимсоли бўлмиш бургутни Грециянинг АЕК клубига ижарага бермади.
АЕК президенти Димитрис Мелиссанидис «Бенфика»га мурожаат қилиб, янги стадионнинг очилиш маросимида Витория исмли бургутдан фойдаланиш учун рухсат сўраган эди. Маълумки, «Бенфика»нинг уй ўйинларидан олдин ўргатилган бургут учириб юборилади ва у стадиондаги махсус белгиланган жойга хўрак ейиш учун қўнади.
Record хабарига кўра, португалияликлар бургутни «Да Луш» стадионига кўникиб қолганини, ташқарига чиқиши оқибатида унга зарар етиши мумкинлигини баҳона қилиб, қушни беришни истамади.
Эслатиб ўтамиз, айни пайтда «Бенфика» ва «Лацио» клублари бургут хизматидан фойаланиб келмоқда. АЕК клубининг тимсоли эса икки бошли бургутдир.
