O‘zbekiston kubogi chorakfinalidan o‘rin olgan “Bunyodkor” – “Neftchi” (3:1) uchrashuvidan keyin mezbonlar ustozi Mirjalol Qosimov o‘z fikrlarini aytdi.

"Finalga yana bir qadam tashlaganimizdan xursandman. Bilmadim, birinchi o‘yin natijasi ta’sir qildimi yoki boshqa sababmi dastlabki 20 daqiqada xotirjamroq o‘ynadik. Har qanday holatga ruhan tayyor turish lozim. Dastlabki bo‘limni o‘z imkoniyatlarimiz darajasida o‘tkaza olmadik. Tanaffusda yigitlar bilan yaxshilab gaplashib oldik va ikkinchi bo‘limda bu o‘z samarasini berdi. Biz muxlislar uchun, ularni stadionga qaytarish uchun chiroyli o‘yin ko‘rsatishga harakat qilyapmiz. Bugungi uchrashuvni men va Abramov to‘qnashuvi emas, aksincha “Bunyodkor” – “Neftchi” qarama-qarshiligi deb qolishini istardim. Jamoa va futbolchilar nimani hisobiga o‘zgarishdi? Avvalo, tushuntirish ishlarini olib bordik. Hamma bilan suhbatlashib chiqdik, jamoani holatini yaxshilab tushuntirdik. Klub tarixi qanday yorqin ekanligi va buni qaytarish mumkinligi haqida gaplashdik. O‘ylaymanki, keyingi uchrashuvlarda yanada yaxshiroq o‘yin ko‘rsatamiz", - dedi Mirjalol Qosimov.