«Chelsi» bosh murabbiyi Antonio Konte Angliya chempionatining navbatdagi mavsumida o‘z jamoasini favorit deb hisoblamoqda.

— «Chelsi» — favoritmi?
— Albatta. Biz o‘tgan mavsumda chempionlikni qo‘lga kiritdik. Navbatdagi mavsum qiyinroq bo‘ladi. Angliyada nima sodir bo‘lganini yaxshi bilasiz: Ikki yil avval «Chelsi» g‘olib chiqqan bo‘lsa, keyin «Lester» chempion bo‘ldi. Shu bois, juda ehtiyot bo‘lishimiz kerak va hech bir jamoani yengil qabul qilmasligimiz zarur.

Barcha yetakchi jamoalar yuqori mahoratli futbolchilar bilan tarkibni kuchaytirishga harakat qilishayotgani — bu normal holat. Shu bois, bu mavsum biz uchun jiddiy sinov vazifasini o‘taydi.

Futbolchilar mening falsafamni to‘g‘ri tushunib, unga moslashishlari muhim ahamiyatga ega. Mening o‘yin uslubimni tushunib olishi uchun Bakayokoga vaqt kerak. Murabbiy uchun mana shunisi — eng qiyini. O‘z g‘oyangni futbolchiga to‘liq yetkazib berish uchun vaqt kerak. Bu Morataga ham tegishli.

— Yosh o‘yinchilar haqida nima deya olasiz?
— Agar yosh futbolchi kuchli va har tomonlama tayyor bo‘lsa, men uni maydonga tushiraman. Men Italiya chempionatidagi o‘zimning ilk o‘yinimni 16 yoshimda o‘tkazganman, lekin o‘shanda g‘oliblik uchun kurash olib borayotgan "Yuventus" safida emas, A seriyada qolish uchun kurashayotgan «Lechche»tarkibida o‘ynaganman.