«Челси» бош мураббийи Антонио Конте Англия чемпионатининг навбатдаги мавсумида ўз жамоасини фаворит деб ҳисобламоқда.

— «Челси» — фаворитми?
— Албатта. Биз ўтган мавсумда чемпионликни қўлга киритдик. Навбатдаги мавсум қийинроқ бўлади. Англияда нима содир бўлганини яхши биласиз: Икки йил аввал «Челси» ғолиб чиққан бўлса, кейин «Лестер» чемпион бўлди. Шу боис, жуда эҳтиёт бўлишимиз керак ва ҳеч бир жамоани енгил қабул қилмаслигимиз зарур.

Барча етакчи жамоалар юқори маҳоратли футболчилар билан таркибни кучайтиришга ҳаракат қилишаётгани — бу нормал ҳолат. Шу боис, бу мавсум биз учун жиддий синов вазифасини ўтайди.

Футболчилар менинг фалсафамни тўғри тушуниб, унга мослашишлари муҳим аҳамиятга эга. Менинг ўйин услубимни тушуниб олиши учун Бакайокога вақт керак. Мураббий учун мана шуниси — энг қийини. Ўз ғоянгни футболчига тўлиқ етказиб бериш учун вақт керак. Бу Моратага ҳам тегишли.

— Ёш ўйинчилар ҳақида нима дея оласиз?
— Агар ёш футболчи кучли ва ҳар томонлама тайёр бўлса, мен уни майдонга тушираман. Мен Италия чемпионатидаги ўзимнинг илк ўйинимни 16 ёшимда ўтказганман, лекин ўшанда ғолиблик учун кураш олиб бораётган "Ювентус" сафида эмас, А серияда қолиш учун курашаётган «Лечче»таркибида ўйнаганман.