Madridning “Real” klubi sobiq hujumchisi Raul jamoa bosh murabbiyi Zayniddin Zidan haqida fikr bildirdi.
“Zidan murabbiylik faoliyatida Chempionlar ligasida qatorasiga ikki marta g‘olib chiqdi. Bu uning qanday kuch va aqlga ega ekanligidan dalolat beradi. Hozirda u dunyoning eng yaxshi murabbiylaridan biri hisoblanadi.
Balki unda yetarlicha tajriba bo‘lmasligi mumkin, ammo Zidan qayerda nima qilishni yaxshi biladi. U shogirdlariga ham buni o‘rgata oldi”, – dedi Raul Marca nashriga bergan intervyusida.
Eslatib o‘tamiz, ikki sobiq futbolchi “Real”da avval birgalikda faoliyat yuritgan.
