Мадриднинг “Реал” клуби собиқ ҳужумчиси Рауль жамоа бош мураббийи Зайниддин Зидан ҳақида фикр билдирди.
“Зидан мураббийлик фаолиятида Чемпионлар лигасида қаторасига икки марта ғолиб чиқди. Бу унинг қандай куч ва ақлга эга эканлигидан далолат беради. Ҳозирда у дунёнинг энг яхши мураббийларидан бири ҳисобланади.
Балки унда етарлича тажриба бўлмаслиги мумкин, аммо Зидан қаерда нима қилишни яхши билади. У шогирдларига ҳам буни ўргата олди”, – деди Рауль Marca нашрига берган интервьюсида.
Эслатиб ўтамиз, икки собиқ футболчи “Реал”да аввал биргаликда фаолият юритган.
